Hordhac
Daar Al-Hijrah Islamic Civic Center waa xarun diineed, waxabarasho, dhaqan, oon macaash raadis aheyn (Non-Profit Organization). Daar Al-Hijrah waxay u hagar baxdaa u adeegga bulshada Muslimiinta ee ku nool gobolka Minnesota. Xaruntu waxaa kale oo ay aad u soo dhawaynaysaa cid kasta oo rabta in ay wax ka barato Islaamka iyo dhaqankiisa. Xarunta Daar Al-Hijrah waxaa la aasaasay 1998 si ay u caawiso Muslimiinta ku soo badanaya gobolka Minnesota. Ilaa iyo intaas, Daar Al-Hijrah waxay ku caawinaysay bulshada adeegyo muhiim ah oo waafaqsan mabaadi’da Islaamka.

Ujeedada Daar Al-Hijrah

• Oogidda shacaa’irta Islaamka sida salaadaha, xafladaha, iyo ciidaha.
  
• Waxbaridda Muslimiinta iyo dadka aan muslimiinta ahaynba si ay u ogaadaan Islaamka una fahmaan siduu u yahay hab nololeed dhamaystiran.
  
• Iskaashiga hay’adaha muslimiinta ah si looga wada shaqeeyo waxyaabaha wanaagga ah oo danta ummadda ilaalinaya
  
• Diyaarinta khidmooyinka aasaaska u ah Muslimiinta oo ay ka mid yihiin Masaajid iyo Iskuullo
  
• Sara u qaadidda xiriirka iyo isfahamka ka dhexeeya muslimiinta iyo kuwaan muslimiinta ahayn
  
• Diyaarin barnaamijyo bulsho iyo waxbarasho oo waxtar u leh jaaliyadda deggan Minnesota

Wax Qabadka Masjidka
Waxayaabaha uu haatan masjidku qabto waxaa kamid ah:

• Dugsiyo: 
  Dugsiyada Daar Al-Hijrah waxaa dhigata arday isugo jira yaryar iyo waawayn. Manhajkooda waxaa ka mid ah xafidaadda Quraanka kariimka ah,, caqiidada, akhriska iyo qoridda carabiga, tarbiyada Islaamka, taariikhda Islaamka, sunnada nabiga (s.c.w), fiqiga, iyo xusuusta Alle.
  
  
• Xafiiska La talinta Qoysaska:
  Daar Al-Hijrah waxaa ay ka caawisaa bulshada la talinta arrimaha bulshada sida guurka, furitaanka, xallinta arrimaha qoyska, iyo baraarujinta guud ee bulshada
  
  
• Xarunta Dhallinyarada:
  Daar Al-Hijrah waxay leeydahay xarun dhallinyaradu isugu yimaadaan, fikradah isku wey daarsadaan, waxna ku bartaan. Dhallinyaradu waxay ku xiran yihiin xarunta si ay uhaystaan hiddaha iyo dhaqanka Islaamka.
  
  
• Shahaado Dugsi Sare:
  Daar Al-Hijrah waxaa kale oo ay Jaaliyadda ka caawisaa bixinta shahaadada dugsiga sare ooy iska kaashadaan Volunteers of America taas oo ay ardaydu qaadanayaan shahaado dugsi sare.
  
  
• Xarun Caafimaad:
  Daar Al-Hijrah waxaa kale oo ay bulshada kacaawisaa khidmooyinka xarun caafimaad oo bilaash ah, halkaas oo dadku iska baari karaan dhiig-karka, sokorowga, iyo waliba baaritaanka guud ee caruurta iyo dhalinyarada.